جرمن فوجن جا فوٽو انساني کوپڙين سميت شايع ٿيڻ تي نئون تنازعو شروع

وڪي اخبار کان
Jump to navigation ڳولا ڏانهن هلو

25 آڪٽوبر 2006

جرمن فوجن جون تصويرون هڪ اخبار ۾ شايع ٿيڻ تي جرمني ۾ تنازعي جنم ورتو آهي. فوٽن ۾ فوجن کي افغانستان ۾ انساني کوپڙين سميت ڏيکاريو ويو آهي، اهي فوٽو 2003ع ۾ نڪتل ٻڌايا ويا آهن.

جرمن فوج جي سربراهه چيو آهي ته تصوير ۾ موجود ٻن ماڻهن جي شناخت ٿي وئي آهي، انهن مان هڪ اڃا تائين فوج ۾ ڪم ڪري رهيو آهي. انهن تصويرن جي حقيقت بابت تحقيقات ڪئي پئي وڃي.

جرمني جي وزير دفاع انهن تصويرن جي باري ۾ تحقيقات جو حڪم ڏنو آهي، هن جو چوڻ هو ته اهڙي حرڪت ڪندڙ فوجن لاءِ جرمنيءَ جي فوج ۾ ڪابه جاءِ نه آهي.

ذريعا