سريلنڪن نيوي ڇهه تامل ٽائيگرز کي ماري ڇڏيو آهي، نيوي ترجمان
10 نومبر 2006
سريلنڪا جي نيوي ترجمان موجب نيوي تامل ٽائيگرز جي ٻن ٻيڙين کي تباه ڪري ڇڏيو آهي جنهن ۾ ڇهه تامل ٽائيگرز مارجي ويا آهن.
ترجمان چيو ته ٻيڙين ۾ ڌماڪيدار مادو موجود هو. جنهنڪري وڏا ڌماڪا ٻڌڻ ۾ آيا. جيڪي ماڻهو به ٻيڙين تي سوار هئا سمورا مارجي ويا.
چيو ويو آهي ته آزاد ذريعن نه هجڻ سبب مارجي ويلن جي تصديق ڪٿان به نه ٿي سگهي آهي.