پاڪستاني علائقي وزيرستان ۾ طالبان حامين پاران ٽيڪس اوڳاڙي ڪرڻ جو اعلان
24 آڪٽوبر 2006
پاڪستاني قبائلي علائقي اُتر وزيرستان ۾ طالبان حامين پاران ٽيڪس اوڳاڙي ڪرڻ جو اعلان ڪيو ويو آهي. ان رٿا کي ميران شاهه شهر ۾ اعلانيو ويو.
خبر موجب افغانستان ۽ نيٽو فوج ڪيترائي ڀيرا چئي چڪي آهي ته پاڪستان جي مذڪوره علائقي مان طالبان افغانستان تي حملا ڪري رهيا آهن ۽ ساڳيو علائقو طالبان ۽ القائده ڀاڄوڪڙ پڻ استعمال ڪري رهيا آهن.
ياد رهي ته ڪجهه وقت اڳ پاڪستان مقامي ويڙهاڪن سان هڪ امن سمجهوتو پڻ ڪيو هو.